Kross lak thlak tirtute hrem turin Malaysia sorkar phût

Malaysia ram khaw­pui, Kuala Lumpur khaw­daiah Pathianni khan Kristian biak-in pakhat kawtah Muslim mi eng emaw zat pungkhawmin, biak-ina Kross an tar chu Muslim-te zah lohna a ni tiin an lak thlak luihtir.

He thil thleng hian ramchhunga Kristian te bakah Muslim mite pawh a ti thinur hle a, fir­fiak taka che te chungah chuan action la ngei tura sorkar an phut thu nimin khan an sawi.

Pawl hrang hrang 30 chuang zetin Pathiannia thil thleng hi an dem thu sawiin, sakhaw thila fir­fiak taka chetna chu an duh lo tih an sawi a, thuneitute chu a ṭul anga action la turin an phut a ni.

Malaysia ramah hian Malay Muslim an tam ber a, sakhaw dang betu Kristian, Hindu leh a dang­te nen boruak ṭha tak hnuaiah an awm khawm a ni. Mahse tun hnaiah Muslim zingah firfiak taka che an awm chho ṭan a, heng mite hi Prime Minister Najib Razak kaihhruai sorkar chuan a ngaidam fo a ni. Sorkar hian Kristiante'n an Pa­thian sawina atana 'Allah' tih an hmang ṭhin chu a lo khapsak tawh bawk.