Venezuela-in China aṭangin dollar tld 5 a dawng

Venezuela President Nicolas Maduro chuan China sorkar hnen aṭangin ṭanpuina, dollar tluklehdingawn 5 an dawng tih a sawi.

President Maduro chuan sum an dawn hi an rama hmasawnna hna kalpuina tur a ni tih a sawi a, mahse hma an lak dan tur erawh a sawilang lo.

Thla thum kaltaa Maduro-a'n China a tlawh ṭum khan China hian ṭanpuina sum pek a tum thu hi a lo puang tawh a ni.

Venezuela hian sum lamah harsatna a tawk mek a, a thil thawn­chhuah lian ber, oil chu a man nasa taka a tlakhniam avangin a sum lakluh a tlahniam nasa a, hei hi eptute chuan sorkarin sum a enkawl thiam loh vangah an puh thung.

January thla khan Maduro chuan Beijing hi tlawhin, an ramah China-in investment, dollar tluklehdingawn 20 chuang a tih tur thu a lo puang tawh a ni.