US-in Ukraine chhawmdawlna atan dollar mtd 17.7 pek a tiam
US Vice President Joe Biden chuan Ukraine President Petro Poroshenko chu Thawhṭanni khan biain, Ukraine khawchhak lama buaina thleng mek chungchang a sawipui a, tualchhung buaina tawk mekte puihna atana dollar maktaduai 17.7 pek a tiam.
Biden leh Poroshenko-te hian Ukraine sorkarin a ram siamṭhat tuma a hmalaknate an sawidun bawk.
White House chuan thuchhuah siamin, "Vice President chuan Ukraine sorkarin an rama dan leh thupekte kengkawh tura hma a lakna chu ṭha a ti hle a, hei bakah anti-corruption bureau hotu thar ruat a ni chu lawmawm a ti hle a ni," a ti.
US sipaite chuan Ukraine khawthlang lamah Thawhṭanni aṭang khan Ukraine sipaite training pek hna an ṭan. President Petro Poroshenko chuan US sipaite'n an ram an lut chu lawmawm a tih thu sawiin, hei hian Ukraine-in a ram himna vawnhim a tumnaah khawthlang ramte'n puih an inhuam zia an tihlanna a ni, a ti.