Hong Kong-in vote thlak dan tur a puang

Hong Kong sorkar chuan nimin khan inthlan kalpui dan tur a puang a, hun eng emaw chen democracy kal­phung zawm phuta nawrh huaihawtte ngenna anga kalpui a ni dawn lo.

Deputy Leader Carrie Lam chuan kum 2017-a a vawi khatna atana mipuite'n Hong Kong chief executive an thlan tur chu nikum August thlaa China-a rorellai, National People's party Congress in a lo duan tawh angin dan khauh tak hnuaiah kalpui a ni dawn tih a sawi.

Dan thar hnuaiah hian chief executive chuh tum, candidate-te chu loyalist committee-te'n an endik a, an pawm phawt a ngai dawn a ni. Hei hi zirlai leh midang tam takin duh loha nawrh an lo huaihawt phahna kha a ni.

Lam chuan 2017-a roreltu an thlan hunah voter-te chuan nomination committee, member 1,200 awmna in candidate tura a mi 2-3 a thlanchhuahte aṭangin an mi duh chu an thlang dawn a ni, a ti.

Deputy Leader thusawi avang hian democracy thlawptu lam legislator-te chu chamber aṭangin an chhuak tau a, sorkar thiltih dan chu an dem thu an sawi.