IS hotupa-in hliam na tak a tuar : The Guardian
Islamic State (IS) firfiak pawl hotu lu ber, Abu Bakr al Baghdadi chu US kaihhruai ṭangrual pawlte'n March thlaa beihpui an thlaknaah khan na takin a hliam nia sawi a ni.
The Guardian-in a report danin, IS hotu hi ṭangrual sipaite'n Iraq khawthlang lama thlawhtheihna hmanga beihpui an thlaknaah hliam na tak a tuar a, a hliam tuar hi a nat avangin IS-te hmalakna pawh a enpui thei rih lo niin a tarlang.
Baghdadi hi a damchhuah an rin loh avangin IS hruaitu dangte pawhin an pawl hotu thar tur hi thlan an tum niin a tarlang bawk.
March thla khan US kaihhruaiin ṭangrual ramte chuan Iraq khawthlang lam, Syria ramri bula Nineveh district an bei a, hemi ṭuma an beihnaah hian Baghdadi bakah hian firfiak pawl mi eng emaw zatin hliam an tuar nia sawi a ni.
Baghdadi hi mipui hmuh turin a inlan khat hle a, a inlan hnuhnung ber chu nikum July thla kha niin, khawvel hmun hrang hranga Muslim-te chu an hmalakna thlawp turin a chah a ni. US chuan Baghdadi lu manah hian dollar maktaduai 10 a phal.