Somalia-a UN bus beihnaah mi 9 thi

Somalia rama bomb hmanga UN motor beihnaah mi pakua an thi. Thite hi Kenya mi pahnih leh Somalia mi pasarih an ni.

UN motor-ah hian Puntland bial, Garowe-a UN compound-a thawkte an chuang a ni. Somalia helpawl, al-Shabaab chuan bus beitu an ni tih an sawi.

Thi zinga pali hi UN children's agency, UNICEF-a thawkte an ni.

Somalia President Hassan Sheikh Mohamud chuan UN motor beih a ni chu a dem thu sawiin, "He pawikhawihna thleng hi UN beihna a ni ringawt lo a, UNICEF-a thawkte beih an nih tel avang hian al-Shabaab hian Somalia naupangte an bei telah kan ngai a ni," a ti.

UNICEF Executive Director Anthony Lake pawhin, "Kan thawhpuite hian an theihtawpin Somalia rama naupangte puia thawkin, an nun an hlan a ni. Misualte pawikhawihna avanga thite hi kan tuarpui a, hliam tuarte pawh an dam leh thuai kan duhsak a ni," tiin a sawi.