Pakistan Taliban-te'n missile enchhin

Pakistan Taliban, Tehreek-e-Taliban Pakistan (TTP) chuan an ram chhunga an remkhawm, missile chu hlawhtling takin an enchhin tih an sawi.

TTP hian missile, 'Omar 1' tia an vuah an kahchhuah lai video dahchhuakin, an kahchhuah hmaa missile an remkhawm lai thlate pawh an tilang tel.

Firfiak pawl thupuangtu, Muhammad Khurassani chuan 'Omar 1' missile chu an design a ni tih sawiin, a ṭul dan azirin ṭhiah darh leh vuah khawm awlsam taka duan a ni, a ti. An missile design ṭhat dan chu an hmelmate'n mak an la ti dawn hle tih sawiin, an hmelmate chu an la tlanchhe thuai dawn tih a sawi.

TTP thupuangtu chuan an pawl mi leh sate chu technology tharte hman dan zirtir an ni, a ti a, suicide vest, suicide vehicle, hand grenade leh hmanraw dang hman dan turte pawh training pek an ni, a ti.