N Korea-in nuclear bomb 20 a nei: China
China chuan North Korea-in nuclear bomb a neih zat chu a hmaa an chhut sak aiin a tam a, 20 a neih tlin a rinawm tih a sawi.
Chinese nuclear expert-te chuan NKorea hian nakkum-ah chuan ralthuam a siam chhuahte hi a letin a tipung thei dawn nia an ngaih thu an sawi bawk.
The Wall Street Journal-in a tarlan danin, NKorea thian ṭha tak ram, China hian US nuclear specialist-te hnenah hemi chungchang hi closed-door meeting an neih ṭumin an hrilh niin a tarlang.
US expert-te chuan NKorea hian nuclear bomb hi 10-16 inkar a neih an ring a ni. Kumin kumtir lama US-Korea Institute te'n an chhut danin, kum 2020-ah chuan NKorea hian atom bomb hi 100 nei tling turin an chhut bawk.
Tun hnaiah NKorea chuan a nuclear program-te a thuam chak a, kum 2006, 2009 leh 2013-te khan underground test pawh a lo nei tawh a ni. Hei bakah hian SKorea, Japan leh US-te chu beihah a vau fo bawk a ni.