IS firfiakte'n Nike brand an khap

Islamic State (IS) firfiakte chuan Nike company siam thawmhnaw an khap.

Sports thawmhnaw siamtu, Nike thilsiam khap a nihna thuziak hi IS firfiakte hian an ram awp chin khawpui, Raqqa-ah an thehdarh a ni. An leh­-

kha thehdarhah hian Nike product zuartu leh leitute chu na taka hrem theih an nih thute an tarlang.

Nike khap a nih chhan an sawinaah, a brand hming hi Greed pathiannu hming nen inzawmna nei a nih vang te, a hming hi Arabic ṭawnga mipa hmeichhiat lam hawi sawina nena inang a nih vangte a ni tih an sawi. Nike company 'tick' logo awmna hak chu Kristian kraws chuanna hak nen an tehkhin a ni.

Hetihlai hian IS commander-te zinga mi, Abu Waheeb chu Nike leh Adidas thawmhnaw siamchhuah a ha nasa hle a, firfiak zinga ṭhenkhat pawhin Nike product-te chu hak a nawm vangin an pawm thu an sawi bawk.

IS firfiakte hian mipa-te jeans hak pawh an lo khap tawh a, hei hi khauh taka kenkawh a ni. Khap a nih hnua jeans kekawr ha an hmuhte chu pyjama nena thleng an duh lo a nih chuan jail-a tantir an nih tur thu an hrilh a ni.