China-in eiruknaa inhnamhnawih mi 100 man tum
China sorkar chuan eiruk thubuai nei, ram pawn lama tlanchhe mek mi 100-te hming leh thlalakte chu tarchhuakin, Interpol chu heng mite an man theihna atana pui turin a ngen.
Sorkar chanchinbu, China Daily-ah an mi man duhte hming leh thlalakte bakah, an chanchinte tarlan a ni a, an vai hian interpol red notice pek an ni tih Communist Party of China Central Commission for Discipline Inspection (CCDI) chuan a tarlang.
CCDI website-ah pawh mi 100-te thlalak, identity card leh visa number bakah, an awmna ram nia rin leh an pawikhawihte tarlan a ni. CCDI chuan an zinga 40-te hi US-ah tlanchhiain, Canada-ah mi 26, a bakte chu New Zeland, Australia, Thailand, Singapore leh ram dangahte an awm niin a tarlang bawk.
CCDI hian holiday-a thilpek, zinna leh chaw ei khawm buatsaihna atante public fund hmang lo turin official-te a hriattir bawk. May Day holiday leh Dragon Boat Festival a hnaih tawh avangin official-te'n public fund an hman lohna tura uluk taka enfiah turin discipline inspector-te chu hriattir an ni.