Israel sipaite'n chem nena mi beitu Palestinian mi pahnih an kaphlum
Israel security force-te chuan West Bank leh East Jerusalem-a chem nena Israel police-te beitu, Palestinian mi pahnihte chu Inrinni khan an kaphlum.
West Bank-a Hebron khuaah Palestinian mi pakhat hian Israel border police patrol zinga pakhat chu a luah leh awmah chem hian a vit a, hemi hnu hian police-te hian pawikhawihtu hi an kaphlum a ni. Police hliam tuar hi damdawi-in panpui nghal a ni bawk.
Police thupuangtu, Luba Samri chuan pawikhawihtu hi kum 20 mi vel a nih thu a sawi a, a chanchin kimchang erawh puanzar a ni lo.
Hemi hma hian Palestinian mi vek, rawlthar kum 17 mi Ali Abu Ghannam chuan Israel border police chu East Jerusalem checkpoint-ah chem nen a bei a, a tlanchhe zui nghal a ni. Checkpoint pahnihnah Abu Ghannam han chem nen security guard duty-te chu beih a tum leh a, mahse security force-te ding tura thu an pek chu a ngaih pawimawh duh loh avangin an kaphlum ta a ni.
He thil thleng vang hian Inrinni tlai khan Palestinian mi ṭhenkhat chuan East Jerusalem-ah Israel riot police-te chu lungin an tawng a, police pakhatin hliam a tuar. Hmun dangah motor-a an sut avangin police pathumin hliam an tuar bawk a, car khalhtu hi a tlanchhe hman a ni.