Chile-ah tlang kang invawrh chhuak leh

Chile chhim lama Calbuco tlang kang chu nasa takin a invawrh chhuak leh a, hei vang hian mi 5,000 chu hmun him lamah sawnchhuah an ni.

Official-te chuan Calbuco tlang kang vang hian state of emergency an puang a, tlang bulṭhut aṭanga kilometre 21 biala chengte chu hmun him lama insawnchhuak tura hriattir an ni. Calbuco tlang kang invawrhchhuah hnu­hnung ber chu kum 1961 kha a ni.

Kar kalta Nilaini zan dar 6.00 Calbuco tlang kang hi a invawrh chhuak a, vut sa leh mei te nasa takin a vawrh chhuak a, minute 90 chhung zet a kang a ni.

Tlang kangin vut sa a vawrh chhuah hian loneitute ram zau tak a tichhia a, hei vang hian loneitute puih dan tur pawh Chile sorkar chuan a ngaihtuah dawn tih a sawi.