Switzerland leh Italy-in ramri chin siam ṭha dawn

Switzerland leh Italy chuan Apls-a an inrina chin chu sik leh sa inthlak danglamin vur khawn a tih tui tak zel avangin an siamṭha.

Ramri chin an siamṭhatna hian Europe-a tlang sang ber zinga mi awmna, Matterhonr bakah ski resort lar tak takte pawh a nghawng tel dawn a ni.

Switzerland chuan ramri chin siamṭhat a remtih thu hi Zirtawpni liam ta khan a sawi tawh a, Italy erawh chuan a pawm thu a la puang lo a, mahse a puan thuai erawh rin a ni. Hei hi kum 2023, May thlaa joint Swiss-Italian commission draft agreement an lo siam tawh zulzuia tih a ni ang.

Nikum September thlaa Statistics in a tarlan danin, Switzerland-a vur khawn awmte chu 4% velin a tui a, heihi nipui khaw lum zual lutuk leh, 2022 thlasika vur tla a tlem tak nghawng niin an sawi. Sik leh sa awmdan hi hetiang zel a nih chuan vur khawnte hi an tui ral belh zel dawn niin a lang.