IS hotu al-Baghdadi a thi tawh : Radio Iran

Radio Iran chuan Islamic State (IS) firfiak pawl hotu lu ber, Abu Bakr al-Baghdadi chu a thi tawh niin a sawi.

Baghdadi hi March thlaa US kaihhruai ṭang­rual ramte'n beihpui an thlaknaah na takin a hliam a, a hliam hi tuar chhuak loin a thi ta niin report chuan a sawi.

Hetihlai hian Pentagon chuan Baghdadi a hliam nia sawi hi finfiahna a awm lo tih a sawi thung.

IS hian nikum June thla aṭang khan Iraq leh Syria-a ram zau tak lain, an ram lak chinah hian Islamic State an din a, an hotu atan Abu Bakr al-Baghdadi an ruat a ni. Baghdadi hi vantlang hmuhah a inlan khat hle a, nikum July thla khan mosque-ah kalin khawvel ram hrang hranga Muslim-te chu an hmalakna thlawp turin a chah a ni.