Pakistan-ah thlipui tleh vangin mi 44 an thi

Pakistan hmarthlang lamah thlipui tlehin chhiatna hrang hrang a thlen avangin mi 44 an thi a, mi 200 velin hliam an tuar bawk.

Meteorological department chuan Pathiannia Khyber-Pakhtunkhwa province-a thlipui tleh hi cyclone tenau, 'mini-cyclone' tiin an sawi. Thli hian ruah a pai tel avangin nasa takin ruah a sur zui bawk.

Radio Pakistan chuan thlipui tleh vanga thi zinga 29 hi Peshawar-a mite an nih thu a sawi.

Thlipui tleh hian thingkung leh mobile phone tower eng emaw a chhem tlu a, thingkung tlute hian kawngpui pawimawhte a hnawhping bawk.

London-a cham mek, Pakistan Prime Minister Nawaz Sharif-a chuan National Disaster Management Authority hnenah rang taka thlipui tuarte chhanchhuah leh chhawmdawl hna thawk turin a hriattir a, thli tlehna bialah hian sipai battalion hnih tirh an ni tawh bawk.