Japan Parliament-in PM atan Ishiba pawm

Japan parliament chuan nimin khan an ram prime minister thar atan Shigeru Ishana chu a pawm ta.

Parliament-a vote laknaah, majority neitu rorellai Liberal Democratic Party (LDP) member-te chuan Ishiba hi an pawm a, prime minister kalchhuak kum 67 mi Fumio Kishida a thlak a ni.

Prime Minister thar atana pawm a nih hnuah Ishiba chuan a cabinet minister turte a puang nghal bawk a, mi 19 a ruat a ni. Minister zingah hian hmeichhia pahnih chauh an tel a, ministry hmasaah khan hmeichhia hi panga an awm a ni.

Ishiba hian prime minister atana lak luh a nih hma hian an ram inthlanpui chu October 27-a neih a nih tur thu a lo puang tawh a, hei hi eptu party te chuan an sawisel nasa hle a, hun a tepter lutuk niin an sawi. Inthlanpui buatsaih tur hian PM thar hian October 9-ah Parliament a ṭhiah rin a ni a, election campaign kalpui ṭan nghal a ni ang.