WHO-in mpox diagnostic test a pawm

World Health Organisation (WHO) chuan Emergency Use Listing (EUL) hnuaia hman turin khawvela hri darh mek, monkeypox test-na turin Abbott Laboratories mpox diagnostic test chu a pawm sak.

UN health agency chuan thu chhuah siamin, "Abbott Molecular Inc. siam, Alinity mMPXV assay chu emergency atana hman tura pawm a ni. Hei hi hri darh mekna ramah, hri veite hriatchhuah an nih thuai leh, a darh zel tur venna atan a ṭul a ni," a ti.

Real-time PCR test, Alinity m MPXV assay hmang hian mihring vun bawlah chuan mpox virus DNA a awm leh awm loh hriat theih a ni dawn tih WHO chuan a sawi a, mahse hei hi clinical laboratory-a thawktu, training nei thlapte hman tura duan a nih thu a sawi.

Agency chuan emergency-a hman tur hian mpox diagnostic test pathum hi an zirchiang tih sawiin, a siamtu dangte pawh an sawipui mek thu an tarlang.