NKorea-in SKorea pawhtu kawngpuite dan chah vek a tum

North Korea chuan South Korea pawhtu kawngpui leh rel kawngte chu dan chah vek a tum tih nimin khan sawiin, hei hi ram pahnihte ṭhenhran vek an nih theihna a ni tih a tarlang.

Korean People's Army (KPA) chuan an ram chhim lam ramri leh a chhehvel pawh chu khar vek an ni dawn tih sawiin, indo thleng thei tur laka an ram invenna tur a ni, a ti. NKorea hian SKorea-a sipaiten indo nunchan an zir fo leh, America nuclear hmanruate lak luh a nih ṭhin avanga a chhanletna a ni tih a sawi bawk.

Korea ram pahnihte inkar boruak hi a ṭha lo zual hle a, Kim Jong-un kaihhruai sorkar hian an ramriah daidanna bakah palpuah bomb te pawh a dah mek a ni. Kim hian an ram danpui pawh siamṭhat a tum a, South Korea ram chungchang a sawinaah hmelma ram tia dah a tum a ni. He danpui siamṭhatah hian tuipui lama an inrina pawh ennaw tura rawt a ni bawk. Kim hian a hmain US leh SKorea hi vauin, an ram an bei a nih chuan nuclear ralthuam an hmang lo ang tih a sawi theih loh thu pawh a lo sawilang tawh a ni.