Japan-in nau piang an pun theihna turin AI matchmaking scheme sum pe dawn

Japan sorkar chuan an ramah nau piang thar, birth rate a pun theihna atan artificial intelli­gence matchmaking scheme kalpuina turin sum a pe dawn. 

Nikum chhung khan Japan ramah hian nau piang 8,65,000 an awm a, nau piang thar an tlem ber kum a la ni. An ram mipui punna a kiam zel avangin sorkar chuan nau piang an tam zawk theihna turin hma lak chhoh a tum a, hemi kawnga hmalakna chi khat, matchmaking scheme kalpuina atan hian US dollar maktaduai 19 dah a tum. Hei hi tualchhung thuneitute hnenah a pe dawn. 

AI matchmaking scheme hmang hian kawppui tur zawnsak an ni.  Mipuite chuan an chanchin leh nihna kimchang, an tui zawng leh ngaihhlut zawngte kimchang takin an thehlut a, heta aṭang hian an milpui turte an lo zawnsak ṭhin. He scheme hi tualchhung sorkar ṭhenkhat chuan an hmang mek a ni.

Japan ramah hian kum 2017 khan mihring maktaduai 128 an awm a, mahse tuna an punna tlakhniam dan aṭanga chhut chuan kum zabi 21-na tawpah mi maktaduai 53 velah an tlahniam thei dawn nia chhut a ni.