China-in Taiwan leh a chhehvelah military exercise buatsaih

Taiwan president Lai Ching-te an China thil phut a pawm duh loh hnuah, China chuan nimin, October 14, 2024 khan Taiwan leh a chhehvel bialah military exercise lian tham tak a buatsaih.

China chuan Taiwan chu China ram a ni tia pawm turin Taiwan president Lai Ching-te hi an phut a, mahse ani hian a lo pawm duh bik lo a ni. Hemi hnu hian China navy, army, air force leh missile corp te chuan drill hi an nei zui a, People’s Liberation Army (PLA) Eastern Theatre Command thupuangtu, Navy senior capatin Li Xi chuan hei hi Taiwan independence thlawptute tana warning a nih nghal thu a sawi bawk.

Taiwan Defence Ministry chuan China chet dan hi na taka sawiselin, an sipaite chu a ṭul huna che turin inralrin tir nghal an nih thu a tarlang a ni.