Nobel Economics Prize 2024 dawng tur puang

Royal Swedish Academy of Sciences chuan Daron Acemoglu, Simon Johnson leh James A. Robinson te chu Nobel Economics Prize 2024 dawng tura thlan an ni tih nimin, October 14, 2024 khan a puang. An pathum hian institution din an nih dan leh an nghawng neihte an zirchianna avanga he chawimawina dawng tura thlan an ni.

Nobel Prize dawng tura puan zingah Economics prize dawng tur hi puan hnuhnun ber a ni. Economics prize hi Swedish scientist, kum 1896-a boral, Alfred Nobel thu dah anga a tira Nobel prize panga siam zingah a tel lo, a, kum 1968-a Swedish central bank-in lawmman tur a thawh aṭanga siam chauh niin, 1969 aṭangin pek ṭan a ni a, hei vang hian 'false noble' tiin ṭhenkhat chuan an lo sawi a ni. Official chuan a hming hi Nobel Economics Prize hi official chuan 'Bank of Sweden Prize in Economic Sciences in Memory of Alfred Nobel' tih a ni. Kum 1969 khan Ragnar Frisch leh Jan Tinbergen te chuan an dawng hmasa ber a ni. Nobel economics prize hi mi 93 in an dawng tawh a, an zingah hian hmeichhia pathum chiah an la awm.