Venezuela eptu hruaitu Guaido an ramah kir

Venezuela eptu hruaitu Juan Guaido chu inter­national tour a neih hnuah an ramah a kir leh ta. 

Juan Guaido hian an ram president, Nicolas Maduro leh a kaihhruai sorkar chu pawm loin, an ram interim president-ah a lo inpuang tawh a ni. US leh ramdang 50 chuangin Venezuela ram hruaituah an pawm bawk. 

Venezuela sorkar chuan Guaido hi ram pawn lama a zinchhuah khapsak mah se, January thla khan he khapna thupek hi zawm loin a a zinchhuak lui a ni. A zin chhung hian US President Donald Trump nen White House-ah an inhmu a, Switzerland-a World Economic Forum hmannaah a tel bawk. 

Guaido hi Maiquetia airport-ah amah thlawptuten an lo hmuak a, hetihlai hian airport pawn lamah sorkar lam thlawptute Guaido hi ram phatsantu tiin an lo au el ve bawk a ni.