NKorea-in SKorea ramri bula kawngpui a ti chhia

North Korea chuan South Korea nena an inkalpawhnate chhut chah vek a tum thu a sawi hnuah, Thawhlehni khan South Korea pawhtu kawngpui ṭhenkhat chu a ti chhia niin SKorea sipaite chuan an sawi.

South Korea Joint Chiefs of Staff chuan ram pahnihte inrina hmar lama kawng ṭhenkhat chu an ram huna niin chhunah khan tih chhiat a nih thu a sawi. Kawngpui an tih chhiat hma hian sipaite chuan warning nan silaite pawh an hmetpuak niin a tarlang. Thawhṭanni khan NKorea chuan kawngpui tih chhiat a nih tur thu hi SKorea pawh a lo hrilh lawk bawk.

NKorea hian an ram sorkar sawiselna thuziak thehdarh tur phurtu drone chu an khawpui, Pyongyang ah a thlawh luh tir nia puhin, hei hian Korea ram pahnihte inkar hi a tichhe zual hle a ni. Hei vang hian NKorea ram hotu lu ber, Kim Jong-un chuan military leh security official-te chu meeting a neihpui a, hma lak dan turte an sawi ho a ni.