Nigeria sipaite'n Boko Haram kut aṭangin hmeichhe 300 chhanchhuak

Nigeria sipaite chuan Boko Haram helpawlte kut aṭangin hmeichhe 300 dawn an chhan­chhuak tih an sawi.

Director of Defence Information, Major General Chris Olukolade chuan sipaite hian an ram hmarchhak lam, Sambisa Forest-ah helpawlte lakah hian beihpui an thlak a, helhoin hmeichhia an man 300 vel chu an chhanchhuak tih a sawi. An mi chhanchhuahte hi tute nge an ni tih hriatchian an la ni lo a, an zinga mi eng emaw zat chuan Boko Haram helte hian nupuiah an lo nei tawh nia sawi a ni bawk.

Sipai thupuangtu, Colonel Sani Usman chuan an mi chhanchhuah zing­ah hian nikum April thlaa helhoin Chibok aṭanga school naupang tleirawl 200 chuang an rukbote kha an tel lo tih a sawi.

Boko Haram helho hmei­chhia an rukbote hi nawm­chenna atante hmang­­in, a ṭhen chu figh­ter atan an hmang bawk. Sipaite'n hel­ho laka beihpui an thlak fo avang­in helho kut aṭang hian hmeichhia emaw zat chu an tlanchhuak tawh bawk.