East Ukraine aṭangin Rescue Committee chhuahtir an ni

Ukraine lak aṭanga inlakhran duhtute chuan Ukraine hmarchhak biala International Rescue Commi­ttee (IRC) chu Ukraine sorkar tana enthlatua puhin an office an khartir.

Russia thlawptu, inlakhran duh­tute hian aid organisation-a thawkte chu an thununna hnuaia awm mek, Donetsk khawpuia an office-ah hun eng emaw chen hrengin, an office pawh an dapsak nghal a ni. Hemi hnu hian hnathawktute hi relin Ukraine khawpui, Kiev-ah kaltir an ni.

IRC hi British Foreign Minister hlui, David Miliband-a kaihhruai a ni a, staff-te hnawhchhuah an nih chungchangah hian organisation hian thuchhuah a la siam lo.

Ukraine laka independent puangtu, Donetsk People's Republic (DPR) chuan IRC hian DRP mite chu inremna ziahpui siloin a thawhpui a, chhiah pawh an awl phah niin a sawi. Hei bakah hian Donetsk-a an office-ah chuan mi inbiak ngaihthlak rukna te an dah a ni, a ti.

Hetihlai hian IRC chuan an tum ber chu tualchhung indona thleng avanga harsatna tawktu mipuite ṭanpui a ni tih a sawi.