Egypt-a Kerdasa biak-in haltute damchhung tang turin hrem

Kum 2013, August 14-a Egypt khawpui, Cairo bula Kerdasa biak-in haltu, Islam mi 690 te chu court chuan damchhung tang turin a hrem. Thiam loh chantir zinga mi pahnihte chu kumtlinglo an nih avangin kum 10 tang tura hrem an ni.

Egypt President aṭanga paihthlak Mohamed Morsi-a party, Muslim Brotherhood chuan Coptic Kristian-te chu inrawlhah an puh a, hei vang hian lungawi lohna an lantirnaah Kristian-te biak-in leh hmun pawimawh dangte chu beiin, an halsak bawk.

Mi 69-te hi Kerdasa biak-in hal vanga thiam loh chantir an nih bakah, civil mite thah tuma puh leh, danin a phal loh ralthuam kawlah puh an ni bawk.

February thla khan Judge Mohammed Nagi Shehata chuan Morsi-a thlawptu mi 183-te chu Kerdasa biak-in beih vangin thiam loh a lo chantir tawh a ni.