Myanmar-a China consulate-ah grenade a puak

Myanmar rama Mandalay khawpuia China consulate-ah Zirtawpni liam ta zan khan grenade a puak a, thil tih chhiat lian tham a nei lo a, thi leh hliam an awm lo nia sawi a ni.

Bomb puak hi a na vak lo a, an ram huna Zirtawpni zan dar 7 velah a puak a ni. China consulate hi Mandalay khaw laili lai, Royal Palace chhim lama awm a ni. He hmun hi Myamnar security force-te an ven ṭhin a ni a, Zirtawpni zan khan compound chhungah grenade hi vawm lutin a puak a ni. China hi Myanmar ram ṭhianṭha leh sipai sorkar tana ralthuam pawh supply ṭhin a ni.

China consulate beih anih chungchangah eng pawl mahin an tih a nih thu an la sawi lo. Security force-te chuan pawikhawihtute man chhuak tura an chhui zui mek thu an sawi.