Cocaine ton 7.6 man

Bolivia police-te chuan US-a tawlhluh tur cocaine ton 7.6 zet an man a, Bolivia mi pathum an man tel bawk.

Interior minister Carlos Romeroa chuan press conference a neihah police-te thil man chu khawvel huapa ruihhlo tawlhruknaah pawh nghawng lian tak a nei ngei ang, a ti. Cocaine an man hi a hlut zang chu US dollar maktaduai 379 a ni tih a sawi bawk.

Bolivian police force-a special anti-narcotics unit (FELCN) chuan kar kalta kartawp lam khan cocaine phurtu lawnglian hi lo dangin an dap a, white mineral ulexite tam tham tak a phurh chu an man a ni. He lawng hian Honduras pana, heta
aṭang hian US lamah phurh luh a tum a ni. Ulexte-ah hian cocane 34.45% a awm thu official-te chuan an sawi.

Kumin chhungin cocaine tawlh≠ruk tum hi ton 22 chuang man a ni tawh a, marijuan ton 100 dawn man a ni tawh bawk.