Hong Kong-ah thlipui a tleh

Hong Kong-ah thlipui, typhoon Nida tleh vangin nunphung a tibuai hle a, thlawhtheihna service a tihkhaihlak bakah, hmun hniam lama awmte chu tui lian tuar mai thei dinhmunah an ding tih hriattir an ni bawk.

Typhoon Nida hi darkar kahta km 100-a chuanga nain a tleh a, ruah nasa takin a sur zui bawk.

Thlipui tleh vang hian flight 150 chuang cancel a ni tih Airport Authority chuan a sawi a, flight 325-te chu an thlawh hun siam danglam a ni bawk. Flight cancel a tam avangin airport-ah khualzin sang tel an tangkhang a ni.

Sumdawnna lam thlengin pawhin a nghawng a, Thawhṭanni tlai aṭang khan thlipui tleh tur avang hian dawr tam tak khar a ni tawh. Hong Kong Exchanges and Clearing Limited (HKEx) bakah Shanghai-Hong Kong Stock Connect te pawh khar an ni.

July thla khan typhoon Nepartak chuan Fujian province a nuai avangin mi sing tel chu himna zawngin an tlanchhia a, thlipuiin a tihchhiat lut zawng hi dollar tluklehdingawn 1.1 vel zet a tling a ni.