Houthi helten UN rawtna an hnawl

Yemen sorkar leh Houthi helpawlte inkara inremna siam tura United Nations-in rawtna a siam chu Houthi helten an hnawl.

Houthi hel leh Yemen sorkar hi hun rei tak an inbei tawh a, tual≠chhung buaina thleng vang hian mi tam tak chu himna zawngin an tlanchhe tawh a ni.

April thla aṭang khan remna zawngin inbiakna neih nimah se, tun thlengin inremna an la siam thei lo. UN rawtna siam hi Houthi helte hian hnawl mah se, Yemen sorkar chuan remna zawnga hmalakna chu tawpsan an tum lo tih a sawi a, nimahsela Foreign Minister Abdel-Malek al-Mekhlafi chuan Houthi leh an thurualpuite chuan UN rawtna siam an hnawl chu an sut leh phawt a ngai a ni, a ti. UN rawtna siam chu Houthi hoin an pawm thei a nih chuan eng hunah pawh inremna siampui chu an inpeih tih a sawi.

Kuwait-a Yemen sorkar leh Houthi helpawl aiawhte inbiaknaa UN palai, Ismail Could Cheikh Ahmed chuan rawtna an siamte hi a pharh a, an rawtna siamah hian Houthi helho chu khawpui lian pathum chhuahsan tura tih a ni a, heng zingah hian an ram khawpui Sanaa pawh a tel. Houthi aiawh telna sorkar thar din rawt a ni bawk.