Nepal-ah tuilian leh leimin vangin mi 100 chuang thi tawh

Nepal ramah ruahsur nasa avanga tuilian leh leimin nasa tak thlengah mi 102 an thi tawh a, chenna in 277 a chhe tawh bawk.

Defence Minister, Home Affair in-charge ni bawk Bhim Rawal chuan ram chhunga district 43 ten chhiatna hi an tuar tih sawiin, chin hriat lohin mi 22 an awm mek a, hliam tuar 58 an awm bawk niin a sawi.

Tuilian leh leimin hi district 10 - Pyuthan, Gulmi, Palpa, Baglung, Makawanpur, Rupandehi, Kathmandu, Arghakhanchi, Dolakha leh Sarlahi district-ten an tuar nasa zual niin minister chuan a sawi. Heng district-a harsatna tawk mekte chhanchhuah hna thawk tur hian sipai helicopter tirh a ni.

Minister chuan tuilian leh leimin avanga chhiat tawkte chhawmdawlna atan hian sorkar chuan home ministry kaltlangin Nepalese rupee maktaduai 750 a pe tih a sawi.