Russia-ah BRICS summit 2024 nei

Russia chhim thlang lam khawpui, Kazan-ah ni thum awh tur BRIC summit chu nimin, October 22, 2024 aṭang khan neih a ni a, Russia president Vladimir Putin-a'na kaihruai a ni.

Kum 2023-a BRIC tih len a nih hnua summit neih hmasa ber niin; Russia, Chian, India leh South Africa bakah, member thar ram hruaitute an tel.

BRIC hi Brazil, Russia, India leh China ten an din niin, kum 2010-ah South Africa hian a zawm a ni. Kumin January khan Egypt, Ethiopia, Iran leh UAE ten an zawm ve leh bawk. BRIC president dinhmun hi member ramte hian an inchelh chhawk ṭhin a, kuminah hian Russia hian president dinhmn hi a chelh mek a ni. Ukraine nen an indo mek avanga khawthlang ramten kawng hrang hranga an hrek mek karah, Russia chuan kumin summit-ah hian thuneihna sang tak a neih leh, indona thleng chunga thawhpui ram ṭha tak tak a la neih zia tihlanna remchangah pawh a hman a rinawm.

Summit ṭan hma pawhin Putin hian BRIC chak chhoh zia te, member ramte economy ṭhanna chu pawn lam mite inrawlhnain a nghawng buai loh ziate a lo sawilang tawh a ni. An rama summit neih turah hian an thawhpui ramte chu an duh ang duhpuite, inṭhianṭha ramte nena khawvel thar dinna tur sawihona hun ṭha tak a nih tur thu pawh a lo sawi tawh bawk.