US Secretay of State-in Israel a tlawh

US secretary of state Antony Blinken chuan nimin khan Israel a tlawh a, Israel ram hruaitute kawmin, Middle East-a indona thleng mekah inkahhai puan a nih theih dan turte a sawipui leh ang.

October 7, 2023-a Hamas firfiakten Israel an beih avanga Gaza Strip-a Hamas leh Israel indona a thlen hnuah Antony Blinken hian Israel a tlawh vawi 11-na a ni. Indo tihtawp a nih theih dan turte sawipui ṭhin mah se, tun thlengin Israel hian Gaza Strip-a Hamas leh, Lebanon-a Hezbollah lakah beihpui a la thlak chhunzawm reng a ni.

Blinken hian Israel prime minister Benjamin Netanyahu, defence minister Yoav Gallant leh official dangte a hmu dawn. Israel bakah hian Jordan leh Qatar ram pawh a tlawh bawk ang.