Thamna dawn vangin kum 20 tang turin Peru President hlui hrem

Peru court chuan anram president hlui, Alejandro Toledo chu Barzil construction company, Odebrecht hnen aṭanga thamna, dollar maktduai 35 dawnga puh a nih avangin kum 20 lung in tang turin Thawhṭanni khan a hrem.

Alejandro Toledo hi kum 78 mi a ni tawh a, kum 2001-2006 khan Peru ram president a ni. US aṭanga training chhuak, economist niin Standford University aṭangin doctorate degree a nei bawk. Toledo chuana puhna chu thu dik lo niin a sawi thung a, cancer leh lung lamah harsatna a neih avangin a thubuaiah pawh hian ngaidam turin a ngen bawk.

Court chuan Toledo hi constutction company hnenah hian internationl highway section pahnih siamna tur tender pein, an hnen aṭang hian sum ṭhahnem tak hi a dawng niin a sawi. Toledo lawyer chuan court thutlukna hi an appeal dawn niin a sawi.