Mecury-ah NASA spacecraft a tla

NASA spacecraft chu Mercury planet-ah kum 11 chhung hlawhtling taka hna a thawh hnuin fuel a neih tawh loh avangin Ningani kha a tla niin US space agency chuan a sawi.

Spacecraft hi a hmingah Mercury Surface, Space Environment, Geochemistry, and Ranging lamtawi, MESSENGER tih vuah a ni, Mercury thlawh hualtu hmasa ber niin Ningani tlai dar 3.26 khan a tla ta a ni.

MESSENGER mission hi kum 2004 khan ṭan a ni a, a hnathawh chhung hian hlawhtlinna tam tak a hmu a, Mercury-ah tui khang tam tak a awm tihte pawh hriatchhuah phah a ni. Spacecraft hi hman chhunzawm ni tawh lo mah se, a data lo lakkhawmte zirin, Mercury chanchin tam tak hriatbelh theih beisei a ni.