US-a Japan PM thusawiin a ṭhenawm ramte a ti lungawi lo

US tlawha zin, Japan Prime Minister Shinzo Abe-a'n US Congress-a thu a sawiah, Indopui laia an ṭhenawm ramte chunga Japan sipaite chetdan rawng tak avanga thupha a chawi tel loh avangin China leh South Korea media-te chuan na takin an sawisel.

Japan PM hian Congress joint session-ah thu sawiin, Japan hruaitu zinga thu sawi hmasa ber a ni. A thusawiah hian Abe chuan indo laia America mi thite a tawrhpui thu a sawi a, Japan chuan Asia-ah harsatna tam tak a thlen tih a hriat thu a sawi a, mahse ngaihdam dilna erawh a sawilang lo a ni.

Indopui laia Japan sipaite'n nawmchenna atana Asia rama hmeichhe tam tak an man luih chungchangah Japan sorkar hi thupha chawi turin a ṭhenawmte ramte chuan an phut a, an hmeichhe man zinga a tam zawk hi South Korea mi an nih avangin SKorea sorkar phei chuan thupha chawi tur hian vawi tam tak a lo nawr tawh a ni.