Baltimore mayor-in curfew a hlip

US, Maryland state-a Baltimore khaw mayor chuan police-te kuta a awm laia hliam tuar, African-American a thih avanga lungawi lohna lantir a, buaina a chhuah zui vanga curfew a puan chu Pathianni khan a hlip.

Mayor Stephnie Rawlings-Blake chuan African-American Freddie Gray thih dana lungawi lohna lantirtute'n khawpui chhungah buaina siam a, tharum thawhna an thlen avangin zan lamah curfew hi a puan a ni.

Baltimore police-te chuan nawrh huaihawtte hian car 144 an hal a, dawr pawh eng emaw zat an rawk niin an sawi.

Freddie Gray hi police-te kuta a awm laiin hliam an tuar a, a hnua kar khat, April 19 khan a thi a ni.

Kar kalta Zirtawpni khan Maryland state mayor, Marilyn Mosby chuan Gray-a mantu police officer parukte chu thubuai siamsak an nih tur thu a sawi.