SKorea-in a mite chhuah turin NKorea a nawr

South Korea chuan North Korea ramin an mi pali a mante chu chhuah turin nimin khan a nawr leh.

North Korea hian March thla khan SKorea mi pali-te chu enthlatua puhin a man a, an zingah hian New York University-a zirlai pakhat pawh a tel. NKorea chuan an mi man zinga pakhat chu an rama 'underground church' siamah puhin, ramdang chanchinte chu USB stick leh SD memory card hmangin an ram chhungah a thehdarh ṭhin niin a puh.

SKorea chuan North lamin an mi mante a puhna chu thu dik lo a nih thu a sawi a, South Korean Unification Ministry thupuangtu Lim Byeong-cheol chuan NKorea thiltih dan chu an ram chauh ni lo, khawvel ram dang pawhin an dem a ni, a ti.