Philippines-a thlipui tleh vangin mi 23 thi

Philippines-ah nimin khan thlipui, Trami tleh leh ruah nasa tak sur vanga chhiatna thlengah mi 23 an thi. Mi 1,50,000 chuang chu an in leh lo chhuahsanin relief centre-ah an awm.

Trami thlipui hi tualchhung mite chuan Kristine tiin an sawi bawk a, ruah a pai tel avangin hmun tam taka tuilian leh leimin a thleng bawk a ni. Thi zinga a tam zawk hi Bicol biala mi an ni. Thlipui tleh leh tuilian vang hian nimin khan a ni hnihna atan zirna in leh sumdawnna hmunte khar chhunzawm an ni a, thlawhtheihna service eng emaw zat cancel a ni bawk.

Disaster mitigation agency chuan thlipui tleh hian mi maktaduai hnih chuang a nghawng thu a sawi. Philippines-ah hian kumtinin thlipui hi ṭum 20 vel a tleh ṭhin a, chhiatna nasa tak pawh a thlen fo a ni. Kum 2013 khan khawvela cyclone na ber zinga sawi, typhoon Haiyan tleh vangin mi 7,300 chuangin nunna an chan a, thingtlang khaw eng emaw zat chu a len chhe vek bawk a ni.