Saudi Prince-in Israel sorkar a sawisel

Saudi Arabia prince Turki al-Faisal chuan Bahrain security summit-ah Israel sorkar chu na takin a sawisel. He summit-ah hian Israel foreign minister pawh a tel a ni. 

Kum 20 chuang Saudi intelligence hotu dinhmun lo chelh tawh leh, US leh Britain-a ambassador pawh lo ni tawh, Prince Turki chuan Israel nena an inlaichinna siamṭhatna tura inremna siam tawh phawt chu Pales­tinian ram hran dinna tura puitu tur a ni tel zel tur a ni, a ti. 

Israel ram chu khaw­thlang ram thuneihna hnuaia awma puhin, Saudi Prince chuan Israel chuan security chhuanlamin Pa­lestinian-te chu a tinawm­nah a ni, tiin a sawi. 

Palestinian mite chenna in te tihchhiatsakin, an duh apiang chu an tihlum mai zel niin a sawi. 

Hetih lai hian Saudi Crown Prince Mohammed bin Salman thung chuan Israel nen chuan hmelma inang, Iran do letna kawnga thawhdun leh, an rama investment lian zawk an tih a remti thung. 

Israel hian US President Donald Trump hmalaknain tun hnaiah Arab ram pahnih, Barhrain leh United Arab Emi­rates (UAE) te chu an inkar boruak siamṭha a, inzawmna siam turin inrem­na a lo siampui tawh a ni. Mahse Saudi Arabia chuan Israel nena inzawmna an siam ve dawn a nih chuan, Israel-Palestinian buaina, two-state solution chungchang a tel ve a ngai tih a sawi.