Bangladesh-a Rohingya raltlante awmna sawn

Bangladesh sorkar chuan Myanmar ram aṭanga tlanchhia, Rohingya raltlan nuai riat chuang zette chu Cox's Bazar-a camp aṭangin an awmna tura thliarkar a buatsaih, Chhatogram bula Bhasan Char island-ah a sawn ṭan. 

Cox's Bazar aṭang hian a thawh khatna atan kar liam ta khan Rohingya raltlan mi nuai khat vel chu Noakhali district-a Bhasan Char-ah hian sawn an ni tawh nia sawi a ni. 

Raltlante awmna sawn a nih chungchang hi ram dangte pawhin an ngaihven hle. Report ṭhenkhat chuan Rohingya-te hi Myanmar rama an kir leh a nih loh chuan, Bhasan Char hi chhuahsan phalsak an ni tawh dawn lo ni tein an tarlang. 

Kum 2016-a Myanmar sipaiten Rakhine state-a Rohing­ya Muslim-te laka beihpui an thlak avangin mi tam tak chu Bangladesh ramah an raltlan a, heng raltlante hi Cox's Bazar-ah dah khawm an ni. Ram hrang hrangten na taka an sawisel hnuah, kum 2018 khan Myanmar chuan Rohingya-te hi an rama an kir leh a phalsak a, mahse raltlante hian an dinhmun a la him tawk lo nia ngaiin an la kir duh lo a, Bangladesh-ah hian an la awm chhunzawm reng a ni.