France-in Lebanon ṭanpuina €mtd 100 pe dawn

France president Emmanuel Marcon chuan Lebanon ram puihna turin €mtd 100 (USD mtd 108) an pe dawn tih Ningani-a Lebanon puala international conference neihnaah a sawi.

Conference hi Paris, France-ah neih a ni a, Israel leh Lebanon helpawl, Hezbollah te inbeihna thleng meka civil mite tawrhna leh, puih an ngaih dante sawi ho a ni. United Nations chuan Lebanon mipuite puihna atan hian USD mtd 426 vel mamawh a nih thu an lo sawi tawh a ni.

Italy-in Lebanon puihna atan USD mtd 10.8 leh Germany-in USD mtd 64.7 an pek tur thu an lo sawi tawh bawk.

President Macron chuan Israel-in Lebanon a la bei chhunzawm reng chu a dem thu sawiin, civil mi thi an pung zel a ni, a ti. Israel leh Hezbollah chuan inkahhai puang thuai se a duh thu a sawi.

International Organization for Migration chuan Israel leh Hezbollah te inbeihna avang hian mi nuai 8 vel chuan an in leh lo an tlanchhiatsan tawh a, relief camp-ah tam tak chu chep taka awmin, ṭhenkhat erawh Syrai ramah an tlanchhia niin an tarlang.