Pakistan PM hlui Imran Khan nupui bail-in chhuah tir

Pakistan prime minister hlui, Imran Khan-a nupui, Bushra Bibi chu Ningani, October 24, 2024 khan thla kua dawn Toshakhana case vanga jail-a a tan hnuah bail in a chhuak.

Islamabad High Court judge, Justice Miangul Hassan Aurangzeb chuan kum 50 mi, Bibi bail dilna hi a phalsak hnuah PKR mtd 1 dah kham tirin a chhuah tir a ni. Khan-a party, Pakistan Tehreek-e-Insaf (PTI) pawhin First Lady hlui chhuah a nih thu hi sawiin, kumin January 31 thla khan jail-ah hian dah a nih thu an tarlang.

Khan hi Pakistan prime minister a nih laia thilpek an dawn aṭanga sum lama hlawkna tela puhin an nupa hian thubuai siamsak an ni a, court-in thiam loh chantirin kum 14 tang turin a lo hrem tawh a ni.