G7-in Ukraine tan loan USD tld 50 pek remti

Khawvela ram thiltithei pasarih, Group of Seven, G7 hruaitute chuan Ukraine hnenah USD tld 50 loan pek an remti.

Kar liam taa International Monetary Fund leh World Bank huaihawta kar liam ta Washington-a meeting an neihnaah, G7 ram hruaitute hian loan pek hi an remti tlang a, kumin kumtawp lam aṭanga pek chhuah ṭan an tum. "Loan hi channel hrang hrang hmangin Ukraine budget, sipai leh a indinthar lehna tura puihna tur a ni," an ti. Ukraine puih an lo intiam tawhnaahte an tlanchhe dawn lo tih an sawi bawk.

US president Joe Biden chuan G7 package peng pakhatah, US chuan Ukraine hi loan, USD tld 20 a pe dawn tih a sawi a, sum a puk tir tur hi an rama Ukraine ram thil neih an hreksak mek aṭanga hlawkna an hmuh hmangin pek a ni ang, a ti. US mipuite tana harsatna siam loa Ukraine puihna tur a ni, a ti. USD tld 10 hi economy lam puihna turin pek a ni ang a, a bak hi sipaite thuam chakna turin pek a ni ang.

USD tld 30 chu G7 hnuaia US thawhpui dang, European Union, United Kingdom, Canada leh Japan ten an pe ve thung dawn tih US official chuan a sawi.