Iran Supreme leader Khameinei a dam ṭha lo

Iran ram hotu lu ber, supreme leader Ayatollah Khamenei chu a dam ṭha lo hle niin New York Times chuan a tarlang a; a fapa upa ber dawttu, Mojtaba Khamenei (55) chu a thlaktu tura sawi rik a ni bawk.

Kum 85 mi ni tawh, Khamenei hi kum 1989-a Ruhollah Khomeini a thih hnuah Iran supreme leader-ah hian a awm a ni. A hriselna a ṭha tawh lo nia sawi ni mah se, Iran official lam chuan engmah an sawi lang lo. A dam ṭha lo hle nia report a awm hnuah a thlaktu tur pawh hi an inrinsiak zui a, hetih lai hian a thi a nih pawhin Supreme Leader thar ruat chungchangah Islamic Revolutionary Guards Corps (IRGC) chuan thu a neih rin a ni thung.