US President candidate chuh tum an pung

Kum 2016-a US President thlanna neih tura party candidate nih tuma chuhtu an pung zel.

Thawhṭanni khan Hewlett-Packard chief executive hlui Carly Fiorina leh neurosurgeon retired Ben Carson-te chuan Republican party president candidate chuh an tum thu an puang ve leh. Hemi hma hian Republican candidate chuh tum mi pathum- Senators Rand Paul, Kentucky; Marco Rubio, Florida; Ted Cruz, Texas; Arkansas governor hlui Mike Huckabee-te an awm tawh a ni.

Fiorina hi Republican lama candidate nih tum zinga hmei­chhe awmchhun a la ni a, Carson hi African-American awmchhun a ni bawk. An pahnih hian campaign pawh an ṭan nghal a ni.