Vawiinah Britain Parliament inthlang dawn

Vawiin hian Britain Parliament inthlan neih a ni dawn. Inthlanah hian House of Commons member tur thlangin, prime minister tur pawh a hriat theih dawn a ni.

Inthlan hi party hrang hrangte chuan chuh mah se, Conservative Party leh Labour Party chu inbei ber tura ngaih a ni. Conservative Party hi an chak chuan Prime Minister ṭanglai, David Cameron chuan a hna a chelh chhunzawm ang a, Labour lam an chak erawh chuan Ed Miliband chu Downing Street-ah chengin, sorkar thar a kaihruai ve thung dawn a ni.

Parliament inthlanah hian Britain lalnu hian tih theih a nei tlem hle a, vote a thlak ve thei lo a, inthlan result chhiar a nih hunah prime minister tur a ruat ringawt dawn a ni.

United Kingdom (UK) hi parliamentary constituency 650-ah ṭhen a ni a, hengah hian House of Commons member turte thlan an ni. House of Commons hian UK pumpui- England, Northern Ireland, Scotland leh Wales a huam a ni. Majority nei tur chuan member 326 chin neih a ngai a, majority nei thei party hruaitu chu prime minister a ni ang. Mahse party mala majority nei pha an awm loh chuan ṭangrual sorkar a din a ngai a, hetah hian party lian bera an hruaitu chu prime minister-ah dah a ni ang.