Iran tana enthlatu nia puh Israeli nupa man

Israel police-te chuan Tel Aviv khawpui bulah Iran tana enthlak hna thawk nia puh, Israel mi nupa an man tih an sawi.

An mi mante hian Israel infrastructur leh security site chungchangah information la khawmin, Mossad spy agency headquarters chanchin bakah thawktu hmeichhe pakhat pawh an bitum tel niin Shin Bet security service leh police-te chuan an sawi.

Iran tana enthlak hna thawktu nia sawite hian Israel Institute for National Security Studies (INSS) think tank-a zirlai pakhat an target tel nia sawi hi Iran mite hian tih nat an tum niin Shin Bet leh police thuchhuah chuan a tarlang. A hran ve vein Iran chuan mission an siam sak a ni, an ti. An hna thawhnaah hian Azerbaijan mi pakhat an chhawr tel bawk a ni.

INSS chuan security service-te hmalakna chu fakin, an hnathawh avangin an thawktu zinga pakhat beih a ni tur chu an veng thei a ni, an ti. INSS director, reserve major general Tamir Hayman chuan, "INSS hi indepdent reserach institute niin, Israel defence hnuaiah a tel lo. Mahse kan rama security research institute ṭha a nih avangin Iran hian he hmuna thawkte hi beih dan a zawng a ni," a ti.