Japan-ah cycle khalh chunga phone hman khap

Japan chuan dan thar siamin, cyclist-te chu cycle khalh chunga mobile phone an hmang a nih chuan thla ruk thleng lung-in tantir theih ani dawn. Hei bakah pawisa, yen 100,000 chawi tir theih an ni bawk ang.

Kum 2021 aṭangin Japan-ah hian cyclist chesual hi an tam chho hle. Covid-19 hri len aṭang khan mi tamtakin public transport hman aiin cycle khalh hi an thlang zawk a ni. Mahse chetsualna a thlen tam tak avangin sorkar chuan dan a siam thar ta a ni. Kum 2023 khan cycle chetsualna hi vawi 72,000 chuang a thleng a, traffic accident zawng zawng zinga 20% chuang a tling.

Phone hmang chunga mobile phone hman khap a nih bakah, zu rui chunga khalh chu kum thum thleng lung-in tan emaw, yen 500,000 chawi tir emaw theih a ni bawk ang.

Kum 2018 - 2022 inkar khan cycle khalh laia phone hman vanga chesual mi 454 an awm a, a kum hmasa kum nga aiin chetsualna thleng hi 50% a tam a ni. Hei vang Japan sorkar chuan cyclist leh kawnga kalte himna turin dan thar a siam ta a ni.