Nigeria sipaite'n helho kut aṭangin mi chhanchhuak leh

Nigeria sipaite chuan Boko Haram helho kut aṭang­in hmeichhia leh naupang an rukbo zinga eng emaw zat an chhanchhuah belh leh.

Sipai thupuangtu Col. Sani Usman chuan an ram hmarchhak lam state-a helpawlte camp tichhe tura beihpui an thlaknaah, hmeichhia leh naupang 25 an chhanchhuak a, Boko Haram hel eng emaw zat an kaphlum bawk niin a sawi. Helho nena an inbeihnaah hian Nigeria sipai pakhat a thi a, panga-in hliam an tuar bawk.

Nigeria sipaite chuan helho camp pasarih an tihchhiatsak tih a sawi a, an ralthuam pawh eng emaw zat an tichhe tel bawk.

Kar hmasa khan sipaite hian helho kut aṭang hian naupang leh hmeichhia 500 chuang an lo chhan­chhuak tawh bawk a, mah­se an mi chhanchhuahte zingah hian nikum April thlaa Chibok khua aṭanga helhoin school naupang, hmeichhe tleirawl 200 chuang an rukbote kha an tel lo.